Malesku

(Malesku) menestrello e bandidore

Su bandu de Malesku

Si etad custu bandu ispeciale
Po presentare sas domos apertasa
Sa die duos e tres de nadale
 
Ube ana-a esser presentadas certasa
Tetiesas ispecialidadese 
Antigas fatas cun manos espertasa
 
Salude! a sas antigas amistadese
Cun amistades c’arriven novellasa
De mare montes biddasa  zittadese
 
Ch’in Teti passen duas dies bellasa
Benzana-a primu die tottus sanoso
Po sicc’andare lugore-e istellas
 
Cantande zovanos e anzianoso
Pustis c’ana-assazau isquisitoso
E licantes produttos paesanoso
 
Cuntentos c’ana visitau sitoso
Nuragicos antigos de valore
Ube teniada antigos abitoso
 
S’antigu Tetiesu abitadore
De s’edade-e su herru e de su brunzu
Artigianu in su brunzu e gherradore
 
Cun iscudos e ispadasa in punzu
Repertos de Abini e de s’Urbale.
De su repertu andamus a s’aunzu
 
De panevresa craru e integrale
Naturale cun sale abba framentu
E moddizzosu puru ispeziale
 
Cun sa patata a su binti po ghentu
Su moddizzosu gustosu e moddizzu
E panegherdas ateru alimentu
 
Grandulas e pressuttu cun sartizu
Dae acanta e finzas de indedda
Chie dd’assazad torrada a s’imbizu
 
In s’antiga caserma in Funtanedda
No est prus logu de detenzione
Domos apertas rivalutandedda
 
Est buttega cun esposizione
De su mele prus druche e prus amaru
Mele de Millivrores e (Lidone)
 
Melardente e Barbaggia unicu e raru
Tened in donu in
sa badde,e Taloro.
Teti dae s’artura a craru a
 craru
 
Merítos e medaglias de (oro)
Si vantad custu mele teiesu
M’aggradad meda e ddu ganto de goro
 
In Funtanedda su casu Ovoddesu
Cuddu Fiore Sardu originale
Est de (Mele Barbaggia)ospite attesu
 
Ca Teti fama tend d’ospitale
Faghed finzas anzena propaganda
Ospitad in su propriu locale
 
Silvio Vaca (alias)Pera Zanda
Issu tenede in Teti sa pastura?!
Custa est sa risposta e sa domanda
 
Calande de su monte a sa bassura
In via Abini Sedilo e Otzana
Cad tres Agriturismos chi cun cura
 
Onoran sa coghina paesana
Buzarzu Oasi e Abini in bassu
Po chie amante est de sa mensa sana
 
In su druche saliu magru o grassu
Sas coghineras d’Abini in coghina
Azetan dogn’isfida che ispassu
 
Manos caentes ch’impastan farina
Po presentare a sos visitadorese
Pasta vrisca gustosa e genuina
 
Abini tanca de riccos sennorese
In cussu tetiesu gampidanu
Ghettaina-a sinza sos pastorese
 
Po tramudare poi in su beranu
Pegos d’ubulu procoso e armentoso
A Istei su montuosu pranu
 
In Abini intrenote istande attentoso
Certos pared ch’intendana un’allega
E arcaicos sonoso e cumentoso
 
Che cando herreris ind’una buttega
Siana ispadas e trastos mazzande
Faghende a ferru ebrunzu sa piega
 
Torramus a sa bidda  cumentande
De sas mascaras e medasa isfiladasa
Chi sun prus de dughentoso isfilande
 
De s’Iscusorzu de Teti invitadasa
S’iscusorzu(tesoro)e Sennoreddu 
Leias de sos mannos raccontadasa
 
Bestin peddes intintos de nieddu 😉
Chi brandini mazzoccasa e sonazzoso
Liaoso a cuguddu po gapeddu
 
De sas ateras biddas 
 personazzoso
Rapresentande propias leiasa
Con propias culturasa e limbazzoso
 
Termino sas modestas rimas miasa
Dedicadasa a Teti po amore
Isperande chi siana gradiasa
 
E firmad custu bandu s’autore
 
  PD Malesku (Teti)
 
 
Sas Tetiesasa
Fizas de Teti:sa dea Nereide
Divinos genes torrana a s’imbizu
E bolabola de Su Littu in pitzu
Ghettan su semene e naschid sa seide
Naschin sas Tetiesa  semideasa
Virtuosas e lestras che  su lampu
Bellas pared chi nascana in su gampu
Comente a sas arestese orchidesa
In sas fainas lestras che saettasa
Amiradas in tottus sos istilese
In zittades casteddos o cubilese
Semper agraziadas e perfettasa
Modernas sighin
 evoluzionese
A su modrnu cosinde s’antigu
Che sas nonnas cosinde culurzonese
Modellande s’ispiga de su trigu
Sas bellas Tetiesas montagninasa
Sun’elegantes in su gaminare
Poi cando cominzana-a ballare
Moltiplican sas grazias divinasa
Ballan su ballu sardu a dogn-edade
Paren in zovanile primavera
Pared ballande in sa terrestre isfera
Chi no esistad forza e gravidade
Modernas e antigas zovaneddasa
Cherzo gantare po render felicese
Sas musas miasa sas ispiratricese
De custas Tetiesas canzoneddasa
Canto che Tetiesas sas istranzasa
 
Unias cun affettos coniugales
Ca de sos Tetiesos sun cumpazasa
Bellas comente sas originalese
  PD Malesku (Teti)